CARMEL PRERAN I ಹಾಂವ್ಚ್ ಸಂಸಾರಾಚೊ ಉಜ್ವಾಡ್ I 5th Tuesday of Lent I John 8: 21-30

52 Views

  • Thanks! Share it with your friends!

    You disliked this video. Thanks for the feedback!

vindheim
Published
ಜುವಾಂವ್ 8: 21-30
ಹಾಂವ್ಚ್ ಸಂಸಾರಾಚೊ ಉಜ್ವಾಡ್.

ಜೆಜು ಲೊಕಾಜಮ್ಯಾಲಾಗಿಂ ಉಲವ್ನ್ ಮ್ಹಣಾಲೊ: “ಹಾಂವ್ ಸಂಸಾರಾಚೊ ಉಜ್ವಾಡ್; ಮ್ಹಜೊ ಪಾಟ್ಲಾವ್ ಕರ್ತಾ ತೊ ಕಾಳೊಕಾಂತ್ ಚಲ್ಚೊನಾ, ಪುಣ್ ತಾಕಾ ಜಿವಿತಾಚೊ ಉಜ್ವಾಡ್ ಆಸ್ತಲೊ.” ಫಾರಿಜೆವ್ ತಾಕಾ ಸಾಂಗಲಾಗ್ಲೆ: “ತುಂ ತುಜೆಚ್ ವಿಶ್ಯಾಂತ್ ಸಾಕ್ಸ್ ದಿತಾಯ್; ತಸಲ್ಯೆ ಸಾಕ್ಶೆಕ್ ಮೋಲ್ ನಾ.” ಜೆಜುನ್ ತಾಕಾ ಜಾಪ್ ದೀವ್ನ್ ಮ್ಹಳೆಂ: “ಹಾಂವ್ ಮ್ಹಜೆಚ್ ವಿಶ್ಯಾಂತ್ ಸಾಕ್ಸ್ ದಿತಾಂ ತರೀ ಮ್ಹಜ್ಯೆ ಸಾಕ್ಶೆಕ್ ಮೋಲ್ ಆಸಾ; ಕಿತ್ಯಾಕ್, ಹಾಂವ್ ಖಂಯ್ ಥಾವ್ನ್ ಆಯ್ಲಾಂ ಆನಿ ಖಂಯ್ಸರ್ ವೆತಾಂ ತೆಂ ತುಮಿ ನೆಣಾಂತ್. ತುಮಿ ಸಂಯ್ಬಿಕ್ ದಿಶ್ಟೆನ್ ಫಯ್ಸಲ್ ದಿತಾತ್; ಹಾಂವ್ ಕೊಣಾಚೆರ್ಯೀ ಫಯ್ಸಲ್ ದೀನಾ. ಆನಿ ಎಕಾ ವೆಳಾ ಫಯ್ಸಲ್ ದೀನ್ ಜಾಲ್ಯಾರೀ ಮ್ಹಜೆಂ ಫಯ್ಸಲ್ ಸಾರ್ಕೆಂ; ಕಿತ್ಯಾಕ್ ಹಾಂವ್ ಎಕ್ಲೊಂಚ್ ನಾ; ಬಗಾರ್ ಮ್ಹಾಕಾ ಧಾಡ್ಲಲೊ ಬಾಪ್ಚ್ ಮ್ಹಜೆಸಾಂಗಾತಾ ಆಸಾ. ದೋಗ್ ಸಾಕ್ಶಿ ಎಕೆ ಸಂಗ್ತಿವಿಶ್ಯಾಂತ್ ಎಕೆಚ್ ರಿತಿನ್ ಸಾಂಗ್ತಿತ್ ಜಾಲ್ಯಾರ್, ತೆ ಸಾಂಗ್ತಾತ್ ತೆಂ ಖರೆಂ ಮ್ಹಣ್ ತುಮ್ಚ್ಯಾ ನಿಯಮ್ಶಾಸ್ತ್ರಾಂತ್ಚ್ ಬರವ್ನ್ ಆಸಾ ನ್ಹಯ್? ಹಾಂವ್ ಮ್ಹಜ್ಯೆ ಪಕ್ಶೆನ್ ಸಾಕ್ಸ್ ದಿತಾಂ; ಮ್ಹಾಕಾ ಧಾಡ್ಲಲೊ ಬಾಪ್ಯೀ ಮ್ಹಜೆವಿಶ್ಯಾಂತ್ ಸಾಕ್ಸ್ ದಿತಾ.” ತಾಣಿಂ ತಾಕಾ ವಿಚಾರ್ಲೆಂ: “ತುಜೊ ಬಾಪ್ ಖಂಯ್ ಆಸಾ?” ಜೆಜುನ್ ತಾಂಕಾಂ ಜಾಪ್ ದಿಲಿ: “ಮ್ಹಾಕಾಯ್ ತುಮಿ ಒಳ್ಕನಾಂತ್, ಮ್ಹಜ್ಯಾ ಬಾಪಾಕ್ಯೀ ಒಳ್ಕನಾಂತ್. ಮ್ಹಾಕಾ ತುಮಿ ಒಳ್ಕಲ್ಲ್ಯಾತ್ ಜಾಲ್ಯಾರ್, ಮ್ಹಜ್ಯಾ ಬಾಪಾಕ್ಯೀ ತುಮಿ ಒಳ್ಕತಲೆ ಆಸ್ಲ್ಯಾತ್.” ಹಿಂ ಸರ್ವ್ ಉತ್ರಾಂ ಜೆಜು ದೆವಾಳಾಂತ್ ಶಿಕಯ್ತಾನಾ ಧರ್ಮ್ಪೆಟೆಲಾಗ್ಸಾರ್ ಉಲಯ್ಲೊ. ಪುಣ್ ಕೊಣೆಂಚ್ ತಾಕಾ ಕಯ್ದ್ ಕೆಲೊನಾ; ಕಿತ್ಯಾಕ್ ತಾಚೊ ವೇಳ್ ತೆದೊಳ್ ಪರ್ಯಾನ್ ಯೇಂವ್ಕ್ ನಾತ್ಲೊ.
Category
Moldova
Commenting disabled.

Up Next